ഗൗളി ശാസ്ത്രം

റിമോട്ട് കണ്ട്രോളര്‍
കണ്ടുപിടിക്കും വരെ
ബാല്യത്തിലേക്ക് മുറിഞ്ഞുവീണ
ആ വാലായിരുന്നു, ഞങ്ങളുടെ അത്ഭുതം.

ടീച്ചര്‍ വരച്ചു പഠിപ്പിച്ചതിനേക്കാള്‍
മനോഹരമായിരുന്നു,
അത് പുസ്തകതാളില്‍ വീഴ്ത്തിയ
ബ്ലാക്ക് ആന്‍ഡ്‌ വൈറ്റ് ആശ്ചര്യചിഹ്നം !

അതിന്‍റെ ഉദരത്തിലെ
വെളുത്ത ഭൂഗോളത്തില്‍
ഞാന്‍ ലൈലയ്ക്ക്
ഇന്ത്യയെ കാണിച്ചുകൊടുത്തു.

എന്‍റെ എല്ലാ നുണക്കഥകളും
ലൈലയെക്കൊണ്ട് വിശ്വസിപ്പിച്ചത്
ആ ചിലപ്പായിരുന്നു.

നീട്ടിപ്പിടിച്ച നാക്കിലേക്ക്
സ്വയം പറന്നുചെല്ലുന്ന
എന്‍റെ സൂക്ഷ്മസ്വപ്നങ്ങള്‍ ഭുജിച്ച്,
ഈ കൈപ്പുമുറിയുടെ ത് ലാന്‍
താങ്ങിപ്പിടിച്ച്‌,
ഇന്നും....