പ്രണാമം

'' പ്രകടമാക്കാത്ത സ്നേഹം നിരര്‍ത്ഥകതയാണ്.
പിശുക്കന്‍റെ ക്ലാവുപിടിച്ച
നാണ്യശേഖരം പോലെ
ഉപയോഗശൂന്യവും... ''


( നീര്‍മാതളം പൂത്തകാലം )



മാധവിക്കുട്ടി എന്ന മായാത്ത ഓര്‍മ്മകള്‍ക്ക് ...

പാല്‍ മധുരം

ഗര്‍ഭഗൃഹത്തിന്‍റെ
പുറന്തോട് പിളരും മുമ്പ്
നിരപരാധിയായ കുഞ്ഞ്
ഫ്രോയിഡിനെ
അറിഞ്ഞുതുടങ്ങുന്നു.

കുഞ്ഞ്
അമ്മിഞ്ഞ നുണയുമ്പോള്‍
അമ്മക്കിളി
കാല്‍ വിരലാല്‍
ഇക്കിളി മാറ്റുന്നു.
സ്ഥാപനത്തിന്‍റെ
പേരുകളിലേതല്ലാത്ത
മുലയുള്ള അമ്മമാര്‍.

ഇളം ചുണ്ടുകള്‍ക്കിടയില്‍
തിരുകികയറ്റുന്ന
പെണ്ണവയവത്തിന്‍റെ കണ്ണുകള്‍
പാല്‍ കൊടുക്കുന്നു.

അച്ഛന്‍ കുടിച്ച്‌
ബാക്കി വെച്ചത്...





( ചിത്രം: ഗൂഗിള്‍ )

ബീക്കുട്ടി

മുമ്പാരത്തെ കോലായിലിരുന്ന് ബീക്കുട്ടി ഏഴാം ക്ലാസിലെ സാമൂഹ്യപാഠം വായിച്ചുകൊണ്ടിരിക്കെ മുറ്റത്തൊരു കാല്‍പ്പെരുമാറ്റം. അവള്‍ തട്ടംകൊണ്ട് മുഖം മറച്ച്, നോക്കി. മുറ്റത്തൊരാള്‍ . വായന മുടക്കാതെ ബീക്കുട്ടി അകത്തേക്കുനോക്കി വിളിച്ചു പറഞ്ഞു:
" ഉമ്മാ... മുറ്റത്തിദേ, ഒരു മനുസന്‍...''
അടുക്കളയില്‍നിന്നും വരാന്തയിലേക്ക്‌ വന്ന ഉമ്മ ആദ്യമൊന്ന് ഞെട്ടി. പിന്നെ ഖല്‍ബ്‌ പൊട്ടി. അരിശത്തോടെ മകളെ നോക്കി ഉമ്മ പറഞ്ഞു:
" മനുസനാണ്ട്യേ അത് ? അന്‍റെ ബാപ്പല്ലേ അത്? "
പിന്നെ തേങ്ങലുകള്‍..
( കടപ്പാട് )



( ചിത്രം : ഗൂഗിള്‍ )